➡️ Nandritra ny fanatanterahana ny fanangan-tsaina izay ataon’ny Polisimpirenena isaky ny Alatsinainy teny amin’ny toby RAZAFINDRAZAKA Bertin Antanimora dia tonga nanotrona sy nanome voninahitra izany ny Minisitry ny Filaminam-bahoaka, ny Inspecteur Général de Police RAKOTOARIMANANA Herilala. Notokanana tamin’ity fotoana ity ny tsangam-baton’ny FIP Antanimora izay ahitana ny sary famatarana ireo Sampandraharaha telo misy eo anivon’ny fitaleavana misahana ny Hery Vonjitaitran’ny Polisimpirenena dia ny FIP, ny USI, ary ny Sampandraharaha momba ny fitantanana ny fitaovam-piadiana eo anivon’ny Polisimpirenena (SCTAM).
➡️ Nisy ihany koa ny fampitaovana ny Polisimpirenena ao amin’ny FIP tamin’ity fotoana ity.
➡️ Nohamafisin’ny Minisitry ny Filaminam-bahoaka nandritra ny fandraisany fitenenana ny tokony hanatanterahan’ny Polisimpirenena ny asany am-panajana sy anaty fitsipika mifehy ny asa. Nanentana ny Polisimpirenena ihany koa izy amin’ny fiatrehana ny adidy ho an’ny Tanindrazana, ao anatin’ny fahamarinana.