➡️ Lehilahy miisa 3 no voasambotry ny Polisy ny 07 martsa 2025, tompon’antoka tamin’ny fahaverezana moto teny Ambohimanarina. Tamin’ny alalan’ny GPS no nahafantarana fa eny Imamba Soavimasoandro no nanafenana ilay moto.
Nidina ifotony ny Polisy, tratra tamin’izany ny lehilahy iray ary hita tao aminy ihany koa ilay moto saingy efa nisy kojakoja tsy teo intsony. Taorian’ny fanadihadiana no nitorohany ny namany izay tena tompon’antoka tamin’ny asa fangalarana.