👉 Ady amin’ny tsy fandriam-pahalemana
➡️Lehilahy miisa efatra no voasambotry ny Polisy misahana ny heloka bevava (Brigade Criminelle) ny 11 Martsa 2025 noho ny resaka fangalarana sy fivarotana basy niampy firavaka maro.
Basy P.A iray miaraka amin’ny bala maromaro, misy taratasy ara-dalàna sy fahazoan-dalana, niampy firavaka maro no nangalarin’ny lehilahy iray mpiandry tanàna tamin’ny mpampiasa azy tao an-trano teny Amboditsiry. Voasambotra teny 67 Ha ity lehilahy mpiandry tanàna ity ary nanoro ny namany roa lahy izay nivarotany ilay basy. Voasambotra teo Anosy indray ilay lehilahy nividy farany ilay basy niaraka tamin’ny bala maromaro ka mbola tratra teny aminy ireo entana halatra. Tamin’ny fanadihadiana dia niaiky ny helony ireto olon-dratsy ireto, ary fantatra fa namidy 5 tapitrisa Ariary mahery ity basy ity. Ireo firavaka ihany koa dia efa namidin’ilay mpiandry tanàna teny Analakely avokoa.
➡️ Tanana hanaovana fanadihadiana izy ireo mialohan’ny hanaterana azy ao amin’ny fampanoavana.