👉Fampanajàna ny lalàna velona
➡️Naiditra am-ponja vonjimaika, rehefa nandalo fanadihadihana teo anivon’ny Polisimpirenena sy ny fampanoavana ireo telolahy nikasa ny hanala baraka olon-tsotra iray ho mpanao trafikana taolam-paty sy noho ny fitazonana basy tsy ara-dalàna.
➡️Raha hiverenana ny zava-nitranga, dia ny iray tamin’izy telolahy ireto no nokaramain’ny roalahy vola 3 tapitrisa Ar mba hametraka entana tamin’ny gony tao amin’ny lehilahy iray mba entina hiampangàna azy eo anatrehan’ny Polisy sy ny fiarahamonina. Ireto farany ihany no nitoroka azy tany amin’ny biraon’ny komisaria Fenoarivo Atsinanana fa mitazona basy sy taolam-paty io olona io.
➡️Rehefa nanao ny fanadihadihana sy angom-baovao anefa ny Polisimpirenena dia fantatra sy voaporofo tao anatin’izany ireo tena tompon’antoka sy ny tanjony, dia ny hanala baraka ilay lehilahy nametrahana gony tao an-tranony. Taorian’ny fampiakarana fampanoavana azy efadahy dia navotsotra ilay olona nametrahan’izy ireo ity taolam-paty ity raha naiditra am-ponja ireo tena tompon’antoka niray tsikombakomba tamin’izany.