👉 Fanampim-pahaizana sy Fikarohana
📖 Nanome boky ho an’ny Polisimpirenena ny taranak’itompokolahy Contrôleur Général de Police Jean Baptiste RASENDRA teny amin’ny DRFC ANTANIMORA ny 14 Aprily 2025.
🚨 Nambaran’izy ireo fa ny fanomezana fitaovana tahak’izao dia manampy ny Polisy amin’ny asa hatrehany andavanandro fa indrindra ihany koa ahafahana manao fikarohana hatrany amin’ny fanampim-pahaizana sy ny fianarana Akademika. Mirakitra lohahevitra marolafy tena ilaina sy manan-danja ireo boky ireo. Maneho ny fanoloran-tena amin’ny fampianarana sy ny fizaràna soatoavina ho tia karokaroka hatrany, izay lova napetraky ny Contrôleur Général de Police Jean Baptiste RASENDRA teo amin’ny fiainany, ity fanomezana ity.
✅ Nandray ny fanomezana teny amin’ny DRFC Antanimora ny Talen’ny Kabinetra, ny Talen’ny Fikarohana sy Fiofanana Mitohy, ary ny Talen’ny Raharaha Ara-bola eo anivon’ny Minisiteran’ny Filaminam-bahoaka.