Mitohy ny fanamboarana foto-drafitrasa ho an’ny Polisim-pirenena malagasy entina hanakakaizana hatrany ny vahoaka malagasy no sady hametrahana fandriampahalemana maharitra eto amin’ny firenena. Taorian’ny fanokanana ny trano-pibaikoana ny filaminam-bahoaka tao Vakinakaratra dia efa mandeha ihany koa ny fanamboarana ho an’ny faritra Analanjirofo. Tonga nijery ny fizotry ny asa ny filoham-pirenena Andry Rajoelina sy ny Minisitry ny filaminam-bahoaka ny Contrôleur Général de Police Randrianarison Fanomezantsoa ary mizotra tsara ny asa fanamboarana ka tsy ho ela dia hisitraka izany ny mponina ao Analanjirofo.