✅️ Nanolotra fitaovana toy ny solosaina ho an’ny Polisimpirenena malagasy ny ONUDC na ny sampandraharaha ao amin’ny firenena mikambana miady amin’ny zava-mahadomelina sy ny fandikan-dalàna androany 24 oktobra 2024 tetsy Anosy.
✅️ Fitaovana ho an’ireo sampandraharaha misehatra amin’ny ady amin’ny famarinan’olona sy ny herisetra mianjady amin’ny zaza ireto natolotr’izy ireo ireto ka ny solotenan’ny ONUDC aty amin’ny faritra atsinanan’i Afrika, Ramatoa Ashita Mittal no nanolotra izany izay notronin’i Ramatoa Claire PIERANGELO, Ambasadaoro amerikanina eto Madagasikara.
📢 Ho fanatanterahana ny politikam-panjakana dia noraisin’ny Minisiteran’ny Filaminam-bahoaka ho vaindohan-draharaha ny ady amin’ny fanararaotana ara-nofo ny zaza sy ny famarinan’olona hoy
ny Minisitry ny Filaminam-bahoaka, ny Contrôleur Géneral de Police RAKOTOARIMANANA Herilala. Hanampy betsaka ny Polisimpirenena ireto fitaovana ireto mba ho matianina kokoa amin’ny fikarohana ireo mpandika lalàna. Mahazo matoky ianareo hoy ny Minisitra fa hoampiasaina sy hokajiana araka ny tokony ho izy ireo fitaovana ireo mba hampahomby ny ady izay atao.
✅️ Marihana fa efa nanolotra fitaovana ho an’ny Cybercriminalité ihany koa ny ONUDC ka nisy ny fitsidihana izay nataon’izy ireo tao amin’ity sampandraharaha ity androany.