REGION : ANALAMANGA CSP 7 67Ha:HALATRA MOTO – ROALAHY TRA-TEHAKY NY POLISY
✅Lehilahy roa 21 taona sy 29 taona no tra-tehaky ny Polisy miasa ao amin’ny Komisaria 67ha ny faha 09 novambra 2024 teo, teny Ankasina tokony ho tamin’ny 07 ora sy sasany maraina teo am-panosehana môtô izay nampiahiahy azy ireo.
🏍️Naharay fitarainana ny Polisy avy ao amin’ny Komisaria 67Ha mikasika ny fahaverezana Môtô Boxer 150 CC miloko manga ny zoma faha 08 novambra 2024 tamin’ny 3 ora sasany maraina teny Imerinafovoany Talatamaty tao amin’ny trano fonenany.
👮Nandray ny andraikiny avy hatrany sy nanao ny fikarohana ary nisy ny angom-baovao voarain’ny Polisy izay nanamora ny fikarohana, ka izao tratra izao ireto jiolahy ireto, teny Ankasina Madinox niaraka tamin’ilay moto izay vao avy nangalariny sy ireo fitaovana fampiasan’izy ireo rehefa manao izany asa ratsy izany.
✅Tao anatin’ny fanadihadihana natao tamin’izy ireo no nanondroany ny namany iray hafa izay voalaza fa « mécanicien », mpiara miasa aminy, izay mpandrava ireo moto izay avy angalarin’izy roalahy.
👉Natolotra ny fampanoavana izy telolahy, ary notanana am-ponja vonjimaika eny Antanimora.