👮Voasambotry ny Polisy miasa ao amin’ny Kaomisaria MAHANORO
tao amin’ny Fokontany MIAKARA, Kaominina MAHANORO ny lehilahy roa 25 sy 35 taona ny 15 novambra teo, tokony ho tamin’ny 06 ora sy sasany maraina noho ny resaka halatra miharo vaky trano.
👉Maro ny tranga tsy fandriampahalemana niseho tato ho ato tany an-toerana ary nahaverezana entana maromaro ka nandray ny andraikiny ny Polisimpirenena.
Taorian‘ny fikarohana sy ny angom-baovao no nahatrarana an’ireto lehilahy roa tao Miaraka izay tompon’antoka tamin’ny asa ratsy tany an-toerana.
✅Nandritra ny fisavana ny tranon‘izy ireo no nahatrarana ireo kojakojan’entana maro avy nangalariny.
👉Mitohy hatrany ny fikarohana sy ny ezaka ataon‘ny Polisimpirenena any an-toerana.