👉Rongony roa gony saika ho aparitaka eto andrenivohitra indray no saron’ny Polisy miasa ao amin’ny CUI-CC Antananarivo teo Ambohijatovo, ny 18 Desambra 2024 lasa teo tokony ho tamin’ny 9 ora alina.
👮Roalahy nandeha fiara tsy mataho-dalana no nitondra izany, ka nandritra ny fisafoana, toy ny efa fanao mahazatra amin’ny ady amin’ny tsy fandriam-pahalemana, ka hisavàna ireo fiara izay ahiahiana mivezivezy eto Andrenivohitra, dia isan’ireo nandalo fisavàna ny fiara nentin’izy ireo. Tamin’izany no naha sarona ireo rongony ireo iza mitotaly 42 kilao.
👮Noentina avy hatrany nanaovana fanadihadihana ireo roalahy tao anatin’ny fiara, ka tamin’ny alalan’izany no mbola nahafantarana fa mbola nisy 22 gony izay mitotaly 385 kilao nafenina tamina trano iray tao Alasora.
✅Nogiazana avokoa ireo zava-mahadomelina ireo, ary nitohy ny fanadihadihana. Naiditra am-ponja vonjimaika ao amin’ny fonjan’Antanimora izy roalahy rehefa nampiakarina ny fampanoavana ny 21 Desambra 2024 lasa teo.