➡️ Lehilahy iray tao anaty fiara mpitatitra niala tao amin’ny kominina Manorofify, distrikan’i Toliara II ho any Toliara, no voasambotry ny Polisin’ny FIP ny 21 Febroary 2025, tamin’ny sakan-dalana mahazatra nataon’izy ireo. Rehefa natao ny fisavana dia nahitana basy vita gasy iray sy finday roa, izay tsy voasokany akory teny aminy. Ahiana ho mety misy fifandraisany amin’ny fanafihana fiara mpitatitra izay nitranga roa andro talohan’io, teo amin’ny lalam-pirenena mampitohy an’i Toliara I sy Magnoroky izao tranga izao. Ankoatra izay, dia nanao hosoka ihany koa tamin’ny karapanondrom-pirenena nampiasainy ity farany.
➡️ Lehilahy iray hafa koa no voasambotry ny Polisy avy ao amin’ny Kaomisaria Foibe Toliara nandritra ny fisafoana natao ny alin’ny 21 Febroary 2025 tao amin’ny bazar Scama noho ny fahatratrarana basy vita gasy tany aminy.
➡️ Notanana vonjimaika eny anivon’ny biraon’ny Polisy izy roalahy ireto hanaovana fanadihadiana.