👉 Notontosaina teny Langaina Avaradrano ny Sabotsy 22 Febroary 2025 ny fambolen-kazo niarahan’ny Fikambanan’ny Vadina Mpitandro Filaminana izay mivondrona ao amin’ ny Hery Fiarovana sy Filaminana dia ny fikambanana vadina Polisy sy Polisy vavy na ny FIVAPOVA, vadina zandary mivondrona ao amin’ny FIVAZA ary ny vady Miaramila ao amin’ny FIVAMI.
👉 Tonga nitarika sy nanome voninahitra izany ny vadin’ireo Minisitra telo tonta dia Ramatoa SAHIVELO Marie Josephine vadin’ny Minisitry ny Foloalindahy sady filoha am-boninahitry ny fikambanana, ramatoa RAKOTOARIMANANA Faniry vadin’ny Minisitry ny Filaminam-bahoaka ary ramatoa RAKOTONDRAZAKA Seheno vadin’ny Minisitra Delege misahana ny Zandarimariam-pirenena. Zanakazo miisa 5.000 no nambolena tamin’izany ary miisa 1000 ireo mpizaika no tonga tamin’ny fotoana.
« Vadin’ny mpitandro filaminana mamboly hazo, manamaitso ny tontolo, miara-mientana ho an’ny angovo maharitra, mitsinjo ny taranaka » Io no lohahevitra niompanan’ity fambolenkazo ity. Naneho ny firaisankinany araka izany ireto Fikambanan’ny Vadina Mpitandro Filaminana ireto amin’ny fanantanterahana ny vinan’ny Fitondram-panjakana mba ho famerenana an’i Madagasikara ho Nosy maitso.