👉 Vokatry ny fiaraha-miasa eo amin’ny Masoivohon’ny Sina sy ny Minisiteran’ny Filaminam-bahoaka, no nahafahan’ny Polisimpirenena misitraka ny fianarana teny sy kolontsaina Sinoa izay hatao etsy amin’ny Camp Contrôleur Général de Police RAZAFINDRAZAKA Berthin etsy Antanimora.
👮‍♀️ Polisy avy amin’ny sampan-drahaharaha samihafa eo anivon’ny Minisiteran’ny Filaminam-bahoaka no misitraka izao fiofanana izao. Tanjona apetraka amin’izany ny ahafahana manatsara ny fahaiza-manaon’ny Polisy amin’ny fanatanterahana ny asany. Ny fahaizana sy fahafehezana ny teny vahiny rahateo dia manampy betsaka ny Polisy na eo amin’ny fanadihadihana na ny eo amin’ny sehatry ny fanatsaràna ny fomba fandraisana ireo teratany vahiny mila ravinahitra eto amintsika. Tonga nanotrona ny fanokafana tamin’ny fomba ofisialy ny fiofanana tetsy Antanimora ny Contrôleur Général de Police RASOAMANANJARA Pierrette Marie Françoise, Talen’ny Fiofanana sy Fampianarana Mitohy (DRFC) eto anivon’ny Minisiteran’ny Filaminam-bahoaka, notronin’ireo ireo tompon’andraikitra ambony eto anivon’ny Minisiteran’ny Filaminam-bahoaka.