👉 Nisitraka fiofanana mahakasika ny fandikan-dalàna anabaka na ny « Cybercriminalité » ny Polisy miasa ao amin’ny
Fitaleavam-paritry ny Filaminam-bahoaka Fitovinagny, ao Manakara nanomboka ny 25 Febroary ary maharitra 3 andro.
👮 Polisimpirenena miisa 20 no misitraka izany ka 10 avy ao Manakara, 05 avy ao amin’ny kaomisaria Ikongo ary 05 avy ao amin’ny kaomisaria Vohipeno. Ankoatran’ireo Polisy avy amin’ny Minisiteran’ny Filaminam-bahoaka Antananarivo, izay efa misahana manokana ny heloka anabaka dia misy mpitsara ihany koa tamin’ireo mpampiofana. Ny solontenan’ny UNICEF no nitondra fitaovana ampiasaina amin’izao fiofanana izao ary hisy ny fizaràna ny fitaovana ho entina miasa aorian’izao.
💻 Tsy azo ihodivirana intsony ny fampitomboana ny fahaizamanaon’ny Polisimpirenena amin’ny fanenjehana ny heloka anabaka, izany hoe ireo fandikan-dalàna isan-karazany miainga amin’ny fampiasàna fitaovana informatika, vokatry ny firoborobon’ny fampiasàna ny teknolojia vaovaon’ny fifiandraisana eto Madagasikara.