👉 Manana tolotra manokana ho an’ny vahoaka ny Polisimpirenena mandritra ity hetsika ity caravane médicale : « Sarobidy ny aiko » ity. Anisan’izany ny fanentanana momba ny ady atao amin’ny herisetra mifototra amin’ny maha-lahy na maha-vavy (VBG), ary ny heloka mamoafady, indrindra fa ny fanararaotana ara-nofo atao amin’ny zaza. Izany indrindra no anisan’ny antom-pisian’ny BFP, ka afaka mitoroka avy hatrany eny amin’ireo toerana rehetra lalovan’ity Caravane Médicale ity ireo izay iharan’ireo tranga ireo.
👉 Natomboka androany 26 Febroary 2025 tao amin’ny kianjan’ Ambohidratrimo ny Caravane Médicale « Sarobidy ny Aiko. » Hitety tanàna sy faritra maro izany, tahaka ny ao Maevatanana, Ambatoboeny, ary Mahajanga. Maimaim-poana avokoa ireo tolotra rehetra ao anatin’ity hetsika sosialy sy fitsaboana ity.
👉 Nanokatra izany ny Filohan’ny Antenimieran-doholona , ny Jeneraly RAVALOMANANA Richard. Tonga nanotrona ny Minisitry ny fahasalamam-bahoaka, ny Profesora RANDRIAMANANTANY Zely Arivelo ny Minisitry ny Filaminam-bahoaka, ny Inspecteur Général de Police RAKOTOARIMANANA Herilala sy ireo Minisitra vehivavy mandrafitra ny governemanta, ny solotenan’ny mpiray ombon’antoka ara-bola ary ireo olom-boafidy sy olomanan-kaja maro voaasa teny an-toerana.
👉 Lohahevitra navoitra ny hoe « Fitovian-jo sy Fizakan-tena ho an’ny Vehivavy sy ny Tovovavy Rehetra. »