➡️ Miompana tanteraka amin’ny fampivondronana sy fandrindràna asa an’ireo mpikambana ao amin’ny komity mpanaramaso ny fifindra-monina arak’asa any ivelany ity fivoriana natomboka androany 25 Febroary 2025 ity, tetsy amin’ny Fitaleavana misahana ny Fikarohana sy ny Fiofanana Mitohy (DRFC) Antanimora.
➡️ Ifantohana mandritra ny fivoriana ny famolavolàna « Memorandum d’entente » izay fifanarahana eo amin’ny Repoblikan’i Madagasikara sy ny Repoblikan’i Maorisy, handrindràna ny fifindra-monina araka asa eo amin’ny firenena roa tonta. Izany dia mba hahafahana misoroka ireo ny olana mateti-piseho sedrain’ireo mpila ravinahitra avy amin’ny firenena roa tonta.
➡️ Mandray anjara amin’ity fivoriana ity ireo solontena avy amin’ny Minisiteran’ny Filaminam-bahoaka, Minisiteran’ny Raharaham-bahiny, Minisiteran’ny Asa, ny Fampananana Asa sy ny Asam-panjakana ary ny Minisiteran’ny Fitsarana.