➡️ Ho fanamafisana hatrany ny fahaiza-manaon’ny Polisimpirenena, ho fanajana ny zon’olombelona sy ny zon’ny olona voatana vonjy maika eny anivon’ny mpanao famotorana na ny GAV ; napetraka ao amin’ny DRSP Alaotra Mangoro ny tetik’asa iarahan’ny Minisiteran’ny Filaminam-bahoaka sy ny Association pour la Prévention de la Torture – APT Genève, mifandraika amin’ny fanaraha-maso ny fomba fiasan’ny Polisimpirenana misahana ny fikarohana ny fandikan-dalàna na ny OPJ.
👮 Nisy ny fampiofanana notanterahana tao Moramanga ka 20 ireo OPJ nisitraka izany : ny tanjona dia ny fampiasana ny rejisitry ny GAV manarapenitra, sy ny fampahafantarana ny zon’ny olona voatana.
➡️ Mpikambana avy ao amin’ny APT Genève miisa roa, Ramatoa Lucette AHAOUANGNIMON sy Andriamatoa Juvenal BABONA no nanome ny fiofanana, niaraka tamin’ireo mpikambana ao amin’ny komity mpitarika ity tetik’asa ity eo anivon’ny Minisiteran’ny Filaminam-bahoaka.
➡️ Notanterahana nandritra ny fandalovan’ireto iraky ny APT ireto ihany koa ny latabatra boribory, izay nahafahana nifanakalo hevitra sy nifampidinika amin’ny fampiharana ny « Principes de Mendez », ahafahana mametraka ny fenitra amin’ny fihainoana ny olona voarohirohy amin’ny fandikan-dalana eny anivon’ny OPJ. Nandray anjara tamin’izany ny avy ao amin’ny Polisimpirenena, ny Minisiteran’ny Fitsarana, ny avy ao amin’ny holafitry ny mpisolo vava ary ny avy ao amin’ny fiarahamonim-pirenena, nahitana ny ACAT na ny Action Chrétienne pour l’Abolition de la Torture.
➡️ Nisy ihany koa ny fihaonana tamin’ny CNIDH, izay sehatra manaramaso ny fampiharana ny fifanarahana mahakasika ny ady amin’ny fampijaliana eto Madagasikara.
➡️ Raha tsiahivina dia ny taona 2018 no efa natomboka ity tetik’asa ity, ka faritra 02 no efa nisitraka izany : Analamanga sy Atsinanana. Ny tanjona dia mba hampiasa ireo fitaovana ireo avokoa ny OPJ avy amin’ny Polisimpirenana manarena ny Nosy. Ny 20 Febroary hatramin’ny anio 28 Febroary 2025 no manatantareka ny iraka eto Madagasikara ireo avy amin’ny APT.