Nanantanteraka hetsika « BEMIDINA » ny Polisy avy ao amin’ny Kaomisaria boriboritany faha telo etsy Antaninandro nanomboka ny Alarobia 05 Martsa 2025 tao amin’ny faritra hiadidiany. Olona miisa 12 no voasambotra tamin’izany ka lehilahy miisa 3 voasambotra noho ny fifohana sy fitazonana zava-mahadomelina, lehilahy miisa 4 voasambotra noho ny resaka halatra sy sinto-mahery, lehilahy miisa 2 voasambotra noho ny resaka fikambanan-jiolahy, lehilahy miisa 2 sy vehivavy 1 voasambotra noho ny resaka filokàna an-dalambe ary lehilahy miisa roa voasambotra noho ny fanaovana fanamiana mpitandro filaminana. 43 taona ny zokiny indrindra ary 17 taona ny zandriny indrindra amin’ireto mpanao fandikan-dalàna ireto. Nisy ihany koa fizaràna laharana finday ahazoana ny Polisimpirenena raha sendra misy trangana tsy fandriampahalemana.