🌺 Nihaona tamin’ireo FIVAPOVA na ny Fikambanan’ny Vadina Polisy sy Polisy Vavy tao amin’ny faritra Boeny Ramatoa vadin’ny Minisitrin’ny Filaminam-bahoaka sady filoham-boninahitry ny FIVAPOVA, ramatoa Faniry RAKOTOARIMANANA ny 5 Martsa 2025, tao amin’ny tranoben’ny Fitaleavam-paritry ny Filaminam-bahoaka Boeny, teny Mangarivotra. Tsapa fa anisan’ny tena mafàna fo ny FIVAPOVA ao amin’ny faritra Boeny. Nambaran-dRamatoa Faniry RAKOTOARIMANANA fa hisy ny fiofanana arak’asa izay omena ireo mpikambana FIVAPOVA ao amin’ny faritra Boeny ka amin’ny alalan’ny fiaraha-miasa amin’ny Minisiteran’ny Fampianarana Teknika sy Fanofanana arak’Asa no hanaovana izany. Fihaonana izay miendrika fanamafisana ny fifandraisana eo amin’ny Raiamandreny sy zanaka ity fihaonana ity ka tamin-karavoana teo amin’ny roa tonta no nanatanterahana izany. Voaresaka ihany koa ny fanomanana ny zaikabe nasionalin’ny FIVAPOVA ho atao any Toamasina amin’ity taona ity.