👉 Nidina ifotony nanao fitsidihana tao Toamasina ny Minisitry ny Filaminam-bahoaka, ny Inspecteur Général de Police RAKOTOARIMANANA Herilala, niaraka tamin’ireo tompon’andraikitra eo anivon’ny Ministeran’ny Filaminam-bahoaka nanomboka ny 09 Martsa 2025.
👉 Nojerena akaiky ireo toerana rehetra mafana amin’ny tsy fandriam-pahalemana mba hametrahana paik’ady maharitra sy hamongorana ireo mpanao ratsy.
Nanome toromarika ny Minisitry ny Filaminam-bahoaka fa tokony hanao ny fara heriny ireo Polisy amin’ny fitandroana ny filaminana, hanamafy ny ezaka rehetra ary hanatsara hatrany ny fomba fiasa, indrindra amin’ny fifandraisana mivantana amin’ny mponina eny ifotony. Ny vahoaka eny ifotony no tena mahalala sy mahafantatra ireo olon-dratsy eny anivon’ny fiarahamonina eny hoy izy.
👉 Manentana ny vahoaka ihany koa Andriamatoa Minisitra hiara-hisalahy sy hifanome tanana amin’ireo mpitandro ny filaminana eo anivon’ny Hery Fiarovana sy Filaminana manoloana ireo trangana tsy fandriam-pahalemana miseho, tsy tokony hisalasala ny vahoaka satria natao hiaro sy hanampy azy ireo ny mpitandro ny filaminana hoy izy.
➡️ Polisimpirenena, Miaro sy Manampy ny Vahoaka