👉Polisimpirenena malagasy, manakaiky ny vahoaka
➡️Tontosa androany tao amin’ny firaisana voalohany Analakely ny fanamafisana sy fampandrosoana ny fiarahamiasa eo amin’ireo sefo fokontany, ny vaomieran’ny fandriam-pahalemana ary ny Polisimpirenena mba ho fampiroboroboana ny Polisy manakaiky vahoaka.
➡️Izany dia notarihan’ny Tale ao amin’ny Fitaleavana misahana ny Fikarohana sy ny Fiofanana Mitohy eo anivon’ny Ministeran’ny Filaminam-bahoaka, ny Contrôleur Général de Police RASOAMANANJARA Pierrette Marie Françoise, sy ny lehiben’ny distrikan’Antananarivo voalohany Ramatoa RAMBOASOLO HAINGO MONIA, ary ny Delegen’ny Boriborin-tany voalohany RAKOTONIAINA Bruno Serge. Tonga nanatrika ny fotoana ihany koa ireo lehiben’ny Kaomisaria miisa telo izay voakasika ary notarihan’ny Lehiben’ny Kaomisaria foibe Tsaralalana, ny lehiben’ny kaomsaria Isotry, ny lehiben’ny Kaomisaria 67Ha ary ny lehiben’ny Kaomisaria Analakely miaraka amin’ireo mpiara-miasa aminy. Tonga mavitrika ireo lehibem-pokontany sy ny vaomieran’ny fandriam-pahalemana ary hita fa liana avokoa amin’ny mba hisian’ny fandriam-pahalemana maharitra eny ifotony.
✅ Tanjona ny hisian’ny fandraisana anjara mavitrika sy an-kitsipo an’ireo tompon’andraikitra eny ifotony ho fametrahana ny fandriam-pahalemana maharitra.