👉 Ady amin’ny fidorohana sy fipariahan’ny zava-mahadomelina.
🎯 Ravan’ny Polisimpirenena avy ao amin’ny Unité d’Intervention Rapide (UIR) Mahajanga ny marainan’ny 16 Martsa 2025 tao amin’ny Terrain Mena, Fokotany Aranta, ny tambazotra mpivarotra zava-mahadomelina ao Mahajanga.
➡️ Lehilahy iray no voasambotra noho ny fitazonana rongony izay nafeniny tao anaty baoritra 4 lehibe. Mahatratra 165 fonosana ary milanja 32,5 kg ireo rongony izay hita tao an-tranony ary fantatra fa efa vonona ho amidy.
Rehefa natao ny fanadihadiana dia nisy lehilahy iray sy vehivavy iray hafa izay mpiara-miombon’antoka aminy tamin’ity raharaha ity.
➡️ Nosamborina izy telo mianadahy ireto ary notanana vonjimaika eny anivon’ny kaomisaria hanokafana fanadihadiana momba ity raharaha fitazonana sy fivarotana rongony ity.