👉Ady amin’ny tsy fandriam-pahalemana, Polisimpirenena manakaiky ny vahoaka.
➡️Nanantanteraka fisafoana ny Polisy avy ao kaomisaria boriboritany faha efatra etsy Isotry sy ny Polisin’ny FIP niaraka tamin’ireo andrimasom-pokonolona ao amin’ny fokontany Andavamamba Anjezika I sy ny fokontany Antetezana Afovoany ny Alin’ny Alatsinainy 17 Marsta 2025. Izany dia ao anatin’ny fanantanterahana ny fametrahana ny fandriampahalemana maharitra sy fiadiana amin’ny asan-jiolahy eto Andrenivohitra .
🎯 Lehilahy miisa telo no voasambotra tokony tamin’ny 10 ora sy sasany alina tamin’ireo toerana ireo. Rehefa nosavaina izy ireo dia nahitàna basy kilalao tany amin’iray tamin’izy ireo.
🎯 Lehilahy iray kosa no voasambotra teny amin’ny « arret bus 30» tokony tamin’ny 11 ora alina noho ny tsy fitondràna karapanondrom-pirenena no tsy manana anton-dia mazava amin’ny fivoahana amin’ny alina. Noentina avy hatrany teny amin’ny biraon’ny Polisy izy ireo nanaovana fanadihadiana.
📢 Ankoatran’ny antso mivantana any amin’ny Biraon’ny Polisimpirenena rehetra dia azon’ny olom-pirenena hatao ihany koa ny miresaka mivantana amin’ireo Polisy manao fisafoana manerana ny tanàna.