👉 Fitsinjovana ny lafiny maha olona eto anivon’ny Minisiteran’ny Filaminam-bahoaka.
➡️ Nigadona teto Antananarivo, ary miatrika fitsaboana etsy amin’ny Hopitaly Soavinandriana nanomboka ny 19 Martsa 2025 ilay Polisy avy ao amin’ny Hery Vonjitaitran’ny Polisimpirenena (FIP) namita iraka tany Befingotra, ao amin’ny distrikan’Andapa, izay naratra mafy noho ny herisetra nataon’ireo mpitrandraka tsy ara-dalàna ao anatin’ny valan-javaboahary arovana Anjanaharibe Sud.
➡️ Tonga nitsidika ity Polisy ity Andriamatoa Minisitry ny Filaminam-bahoaka, ny Inspecteur Général de Police RAKOTOARIMANANA Herilala sy ireo tompon’andraikitra ambony eo anivon’ny Polisimpirenena ny Alakamisy 20 Marsta 2025 teny amin’ny hopitaly Soavinandriana. Nitondra teny fankaherezana sy firariantsoa tamin’ny fanantanterahan’ity Polisy ity ny asa niandraiketany Andriamatoa Minisitry ny Filaminam-bahoaka. Nidera ny herim-po nananany izy tamin’izany, nijoro hatrany ho fiarovana ny harem-pirenena sy ho fampiharana ny lalàna. Namporisika ny Polisy rehetra ihany koa Andriamatoa Minisitry ny Filaminam-bahoaka mba tsy hihemotra sy tsy hiraviravy tanana fa hijoro hatrany hampanaja ny lalàna sy hiaro ny vahoaka. Ankoatra izay dia nitondra fisaorana ho an’ny fitondram-panjakàna izy, tamin’ny fanomezan-dalana nahafahana nitsabo ity Polisimpirenena ity eto Antananarivo. Teo ihany koa ny fankasitrahana ho an’ireo mpitsabo rehetra ao amin’ny hopitaly Soavinandriana.
➡️ Efa misokatra moa ny fanadihadihana momba iny raharaha iny