👉Ady amin’ny tsy fandriampahalemana.
☑️Ao anatin’ny fanamafisana hatrany ny fandriampahalemana eto Antananarivo Renivohitra, nanatanteraka fidinana ifotony sy fisafoana tamina faritra maro tao amin’ny Boriborintany voalohany, toy ny teny Andavamamba, Anatihazo I sy II, Manarintsoa Centre, Manarintsoa Atsinanana, Manarintsoa Anatihazo, Andavamamba Anjezika I sy II, Antetezana Afovoany I sy II, ary Ambodin’Isotry ; ny alin’ny 22 Martsa 2025, ireo tompon’andraikitra ambony eo anivon’ny Minisiteran’ny Filaminam-bahoaka notarihan’ny Tale misahana ny Fikarohana sy Fampiofanana Mitohy (DRFC), ny Contrôleur Général de Police RASOAMANANJARA Pierrette Marie Françoise, niaraka tamin’ny Lehiben’ny distrikan’Antananarivo voalohany, Ramatoa RAMBOASOLO Haingo Monia.
📌Nisy araka izany ny fihaonana mivantana sy fampiharana ny fiaraha-miasa akaiky tamin’ireo vaomieran’ny fandriampahalemana (VFP) teny an-toerana, izay hita fa miara-misalahy tanteraka amin’ny Polisimpirenena amin’ny fitandroana ny fandriampahalemana amin’ireo fokontany rehetra manerana ny boriboritany. Araka ny fampiofanana izay efa nomena azy ireo teo anivon’ny Polisimpirenena, dia nisy fifanakalozan-kevitra sy toro-marika hametrahana paik’ady manokana hisorohana ireo trangana tsy fandriampahalemana sy hamongorana ireo mpanao asa ratsy.
👮Ity hetsika ity dia niarahana tamin’ny Kaomisaria foibe Tsaralalàna sy ny Kaomisaria boriborintany voalohany, fahaefatra ary fahafito, indrindra ihany koa ny Brigade Féminine de Proximité (BFP) sy ny Unité d’Intervention Rapide (UIR).