👉 Ady amin’ny asa fisolokiana
✅ Ny 01 aprily 2025 tolakandro, lehilahy iray no voasambotry ny Polisy miasa ao amin’ny boriborintany fahaenina Ambohimanarina noho ny fampiasana kara-panondro hosoka, rehefa nikasa ny hampiasa izany tao amin’ny Kaominina izy. Mitondra anaran’olon-kafa ilay kara-panondro entiny izay misy ny sariny saingy mailo ny tao amin’ny biraon’ny fandoavan-ketra Ambohimanarina ka niantso Polisy haingana.
🚔 Nosamborina avy hatrany ity mpisandoka sady mpanao hosoka ity ka nentina eo anivon’ny Komisaria ny raharaha ary efa tonga nametraka fitoriana ihany koa ilay tompon’anarana entiny ao anaty kara-panondro.
👮‍♂️ Mitohy ny fanadihadiana mba hamantarana ny tanjony amin’io fampiasana taratasy hosoka io.