👉 Notontosaina androany Alarobia 02 Aprily 2025 tao amin’ny Toby RATSIMANDRAVA Andrefanambohijanahary ny Andron’ny Zandarimariam-pirenena raha ny teto Antananarivo Manokana.
✅ Tonga nanotrona sy nanome voninahitra izany lanonana izany ny Filohan’ny Antenimieran-doholona, ny Jeneraly RAVALOMANANA Richard ; ny lehiben’ny Mariboninahi-pirenena, ny Jeneraly RANJEVA Marcel ; ny Minisitry ny Foloalindahy ny Jeneraly SAHIVELO Lala Monja Delphin, ny Minisitry ny Filaminam-bahoaka, ny Inspecteur General de Police RAKOTOARIMANANA Herilala sy ireo olo-manan-kaja maro.
👮‍♂️ Nampiseho firahalahiana tamin’ny Zandary ny Polisimpirenena malagasy ka maro ireo tompon’andraikitra avy ao amin’ny Minisiteran’ny Filaminam-bahoaka no tonga nanotrona ny fotoana ihany koa.
➡️ Nisy fanolorana mariboninahi-pirenena nandritra izany fotoana izany. Teo ihany koa ny fanomezana ny medalin’ny Zandarimariam-pirenena ho an’ireo mpiara-miombon’antoka amin’ny fandriampahalemana.
➡️ Nivoitra tamin’izao fa mihatsara hatrany ny fifandraisana eo anivon’ny Zandarimariam-pirenena, ny Tafika Malagasy Ary ny Polisimpirenena. Hotohizana izany mba ho tombotsoan’ny Mpiray Tanindrazana.