✅ Roa andro taorian’ny fifandonana teo amin’ny lehilahy miisa roa niaraka tamin’ny fitaovam-piadiana nikasa hangalatra moto tetsy amin’ny Cité Gallois Anosy sy ny Polisy ao amin’ny boriboritany fahadimy, ka nahalavo ny iray tamin’ireo nandritra ny fisamborana ; dia tetsy Namontana Madera no hita ilay Moto very rehefa tafaporitsaka niaraka tamin’izany ny iray tamin’ireo jiolahy.
📌 Fiaraha-miasa teo amin’ny Polisin’ny CSP 5 sy ny vaomieran’ny fandriam-pahalemana fokontany Namontana no nahazoana izao vokatra izao, ary mitohy hatrany ny fanadihadihana amin’ny fikarohana ilay jiolahy iray tafaporitsaka.
🏍️ Efa tafaverina any amin’ny tompony ilay moto taorian’ny fanamarinana natao teny amin’ny kaomisaria Mahamasina.